yeh jo raig-e-dasht-e-firaq hai
yeh jo raig-e-dasht-e-firaq hai yeh rukay agar
yeh rukar agar to nishaan mile, yeh nishaan mile
ke jo faaslon kee saleeb hai
yeh garee hoee hai kahan kahan
mere aasman se kidher gaee, tere iltifaat kee kehkashan
mere bekhabar mere benishan
yeh ruke agar to pata chalay
main tha kis nagar, tu raha kahan
ke zaman makaan kee yeh wussaten
tujhe dekhne ko taras gayeen
woh mere naseeb ki barishen kisi or chat pe baras gayeen
mere chaar soo hai ghubar-e-jaan, woh fishar-e-jan
ke khabar nahin mere hath ko tere hath kee
mere khawb se tere baam tak
teree rahguzar ka to zikr kia
nahin zufishan tera naam tak
hain dhuan dhuan mere ishtikhwan
mere ansoo-on main bujhe hoe mere ishtikhwan
mere naqsh-gar mere naqsh-jaan
isee raig-e-dasht-e-firaq main rahe muntazir-tere muntazir
mere khawb jinke fisharmain
rahee meray haal se bekhabar
teree rahguzar
teree rahguzar jo ke naqsh hai mere hath per
magar es balaa kee hai teergee
ke khabar nahin mere hath ko mere hath kee
woh chashm shobda-baaz thee woh uthay agar
mere ishtakhwan main ho roshnee
esee ek lamha-e-deed main tere rahguzar
meree teera-jan main chamak uthay
mere khawb se tere baam tak
sabhi manzaron main damak uthe
esee ek pal main ho javidaan
meree arzoo ke hai bekaraan
meree zindagi ke hai mukhtasar
jo raig-e-dasht-e-firaq hai yeh rukay agar…!
Thank you for the audio! :) It was zabardast.
Is nazm main se aik shair appears in the OST of "Meray Chaaragar".
"woh mere naseeb ki ..." <-- ye wala.
I love mere chaaragar title track as well. Pakistan has so much talent in mausiqee, sher-o-shayari and drama serials.
Its my favourite nazm by Amjad Islam Amajd.
to poetry forum
