yeh dil chahat mein is ki is qader nadan sa kyon hai
wahi chahat sey meri is tarha anjan sa kyon hai
meri yadoon key der per phir nai si aik dastak hai
mager phir bhi mera dil is qader viran sa kyon hai
mere dil ki hai yeh khwahish key berh kar chand ko cho ley
meri khwahish ko sun kar chand bhi heran sa kyon hai
woh jis key dil mein basti thi sada mein dharkanain ban kar
mughe ab bholna is key liye asaan sa kyon hai
woh jis ney dil ki yeh duniya meri taraaj kar dali
meri yadoon key ghar mein ab bhi woh mehman sa kyon hai
woh kehta hai yahi,ab bhi ise mugh sey mohabbat hai
mager lehje mein is ki is qader ahsaan sa kyon hai
