Ghazal
Mujhe ek manzil-e-khaas ka na pata chala, yeh bura hua
meri zustaju meri aarzoo hui raaigaN, yeh bura hua
meri zest maut se kam nahi, mera gham bhi ab mera gham nahi
teri dastaaN meiN sama gai meri dastaaN, yeh bura hua
mujhe apne naghmoN se hai gila, mera raaz raaz reh na saka
woh jale chiraaghoN ki tarha woh utha dhuNaa, yeh bura hua
tere intezaar meiN baith kar, mujhe zindagi to mili magar
mera saath choD ke chal diya mera karwaaaN, yeh bura hua
mujhe yaad thi yeh na thi khabar, mere gham meiN hai bada asar
meri ek aah se jal gaye kai aashiyaaN, yeh bura hua