kabhi socha naH tha is moRh peH aa jaooN-gi
meray jiwan ki siyah ratoN se, daaman apna maiN chhuRhaa paooN-gi
kitnay toote huay sapnay,kai be-rang kHayaal
unheiN maiN joRh nayaa raNg bhi de paooN-gi
yaad-e-maazi se joH wahshat si mujhay hoti hai
uss aziyat se maiN kab tak nikal paooN-gi
toonay di aas,ummeedeiN haiN bandhai meri
hosla mujh ko diya, phir se haNsee kHwaboN ka
tu agar sath mera de to bharosa hae mujhay
maiN kahkashaN meiN sitaroN ko bhi chhoo paooN-gi
maiN dard-o-yaas ki duniya peH fatah paooN-gi
teray dil me teray jiwan meiN samaa jaooN-gi
tu agar sath mera de to bharosa hai mujhay.
----Toota Hua Dil----
khudaya haar gayi hoon zindagi se
ab apne paas bulaale mujhe
nainaa thuk gaye baaT johate
ab inkee jyot bujhaade tu
door diya ek Tim Tim kar ke
apnay paas bulaataa hai
neeNd to koson door hai mujhse
dard bhee baRhtaa jaataa hai
raah ye itanee kaThin milee hai
dooree to ghatee hee naheiN hai
ab tere bin meray KHUDA
umr to bus kat tee naheiN
ya apnaa mujhe banaale ALLAH
ya jeevan se chut kara dilwade
tere aastaan khaRhee hooN ab to
jaldi apnaa faisla de de
:k: