Assalam-o alaikum to all
Je Poetry parhain magar humain na bhool jaain after Reading this poetry kisi aur ko beshak bhool jaain…shukriya
~~~* ~~~~~~~
Mujhe bhool jao
Chalo yoonhi sahi mera Dil, Dil nahin tha
Wafa ka lahoo iss me shaamil nahin tha
Yeh sachi muhabbat ka haamil nahin tha
Tumhari parastish ke qaabil nahin tha
Yeh behtar hai ab tum mujhe bhool jao
Ghazab ki thii Ufff wuh mulaqat pehli
Jab ik kam Zubaan se thii ki baat pehli
Wuh halki si boondain wuh barsaat pehli
Khuda jaane kaesi thii wuh raat pehli
Yeh behtar hai ab tum mujhe bhool jao
Dilon ko na madhoshiyon me dabote
Wuh Jaam-e-Muhabbat piiye hi na hote
Khud apne kiye peh na iss tarha rote
Na maazi ke maatam mein yoon waqt khote
Yeh behtar hai ab tum mujhe bhool jao
Na Dil chaein paae tumhaari balaa se
Jo furqat satae tumhaari balaa se
Ghatta ab jo chhaae Tumhaari bala se
Balaa mujh peh aae tumhaari balaa se
Yeh behtar hai ab tum mujhe bhool jao
Muhabbat ke Jhoote khaton ko jala do
Meri yaad tum Loh-e-Dil se mitta do
Ab Ansoo yeh kaese bhula do bhula do
Jo rona hai mujhko inhi me bahaa do
Yeh behtar hai ab tum mujhe bhool jao
~~~* ~~~~~~~
~~~~*
“If you belong to Allah, rest assured that Allah will indeed belong to you”
“Dream as if u live forever live as if u will die today” ~~~~*