Koi mamnoon e farangi, koi dollar ka ghulam
Dharkanen mehkoom inki, lab pe azadi ka naam
Inko kia maloom kis haal main rehte hain awam
Ye wazeeran e kiram :hinna:
Inn ko fursat hai boht oonchay ameeron ke liye
inn ke telephone qa’im hain safeeron ke liye
Waqt inn ke paas kab hai hum faqeeron ke liye
Choo nahin inhe hum sakte ooncha hai inka maqam
Ye wazeeran e kiram :hinna:
Subh chae hai yahan to sham khana hai wahan
Kiyun na maghroor hon miyan chalti hai inki dukaan
Jab ye chahen jhaad sakte hain Radio pe bayan
Hum hain pedal, Car per ye kis tarah ho humkalam
Ye wazeeran e kiram :hinna:
Qom ki khatir yeh assembly main mar jate bhi hain
Quwwat e bazoo se apni baat manwate bhi hain
Galiyan dete bhi hain aur galian khate bhi hain
Yeh watan ki aabroo hain, kejiye inko salaam
Ye wazeeran e kiram :hinna:
Inki mehbboba wizarta daashtayen kursiyan
Jaan jati hai to jae per na jaen kursiyan
Dekhiye ye kab talak yun chala’en kursiyan
Aarzi inki hukoomat aarzi inka qayaaam
Ye wazeeran e kiram :hinna:
(Habeeb Jalib)