**kuch aisio be sakooni hai wafa ki sarzameenon mein
ke jo ahl-e-muhabbat ko sada bechain rakhti hai
ke jaise phool meiN khushboo,
ke jaise haath meiN para,
ke jaise shaam ka tara
muhabbat karne waloN ki saher raatoN mein rehti hai,
gumaaN ke shaakhchoN meiN aashiyaN banta hai ulfat ka!
ye ain vasl meiN bhi hijr ke khadshoN meiN rehti hai
muhabbat ke musafir zindagi jab kaat chukte haiN
thakan ki kirchiyaN chunte,wafa ki ajrakein pehne
samay ki rehguzar ki aakhiri sarhadd pe rukte haiN
to koyi doobti saansoN ki doori thaam kar dheere se kehta hai,
“ye sach hai na–!
hamari zindagi ik doosre ke naam likhkhi thi
dhundhalka sa jo aankhoN ke qareeb-o-door phaila hai
isi ka naam chahat hai!
tumhe mujhse muhabbat hai
tumhe mujhse muhabbat hai!!”
muhabbat ki tabiyat meiN ye kaisa bachpana qudrat ne rakkha hai!**