Ye pichle ishQ ki batein hain
Jub dil mein daagh damakte they
Jub pulkein shehr k ruston mein
Ashkon ka noor lutati theen
Jub saansien ujle chehroon ki
Tun mun mein phool ugatee theen
Jub chaand ki rim jhim kirnon se
Sochun mein bhunwar per jate thay
Jub aik talatum rehta tha
Apne be-ant khiyalon ka
Hur ehud nibhane ki Qasmein
Khat khoon se likhne ki Qasmein
Jub aam thee hum dil waloon mein
Ab apne pheeke honton per
Kuch jalte bhujhte lafzn k
Wajood pighalte rehte hein
Ab apni gum sum ankhon mein
Kuch dhool hai bikhri yadoon ki
Kuch gurd alood se mosum hein
Ab dhoop ugalte kochun mein
Paimaan dil k rehte hein
Ab apne weeran angum mein
Kitne sakoon ki chaandni hai
Kitni shaamon ka sona hai
Ab us ko khakster hona hai
Kitni roshan see ratein hai
Us umer ki sub soghatein hain
Ye pichle ishQ ki batein hain
Ab ye batein rehne dijeeay
Jis umr mein kissay bantay thay
Us umr ka ghum sehne dijeeay
Us umr k khwaab khiyaal hoay
Wo pichlee umr thee beet gayee
Wo umr bitaay saal hoay
Ab apni deed k raste mein
Kuch rung hain guzre lamhoon k
Kuch ashkoon ki baratien hain
Kuch bhoolay basre chehre hein
Kuch yadoon ki barsatein hain
Ye pichle ishQ ki batien hain* 
