ye pichlay ishq ki baatein hein
jab aankh mein khawab damaktay thay
jab dil mein daagh chamaktay thay
jab palkein shaher kay raston mein
ashkon ka noor lutaati thein
jab sansein ujlay chehron ki
tan man mein phool sajati thein
jab chaand ki rim jhim kirnon se
sochon mein bhaNwar par jatay thay
jab aik talatum rehta tha !
apnay bay-ant khayalon mein
har ehad nibhanay ki qasmein
khat, khoon se likhnay ki rasmein
jab aam thein hum dil walon mein
ab apni ujri ankhon mein
jitni roshan si raatein hein
us umar ki sab soghatein hein
jis umar kay khawab khayal huay
wo pichli umar thi, beet gai
wo umar bitaye saal huay
ab apni deed kay rastay mein
kuch rang hay guzray lamhon ka
kuch ashkon ki baratein hein
kuch bhoolay bisray chehray hein
kuch yaadon ki barsatein hein
YE PICHLAY ISHQ KI BAATEIN HEIN !!!
dil darya samandaron doongay
kon dilaan diyan janay..hu