**Ye nahi k saare jahan mein mujhe humsafar nahi mila
Sabhi Aitabar k sath the koi muatabar nahi mila
Meri nabz choo k to dekhta k shikasta dil ki sada hai kya
Mera la-ilaaj marz na tha, koi charagar hi nahi mila
Kabhi sheher chaan liye gaay kahin khaimey taan liye gaay
Jise dekhta tha main khwaab mein, mujhe wo nagar hi nahi mila
Mujhe wo makee’n hi nahi mily jinhen meri zaat say piyar ho
Jisy apna ghar main samajh sakoon, mujhe aisa ghar hi nahi mila
Raha muztarib mera shoq bhi, mera sajda karne ka zauq bhi
Mujhe sang-e-rah to bohut mily, tera sang-e-dar nahi mila
Sabhi apne apne giroh k, ghum arzoo ka shikar the
Kisy main dikhata ye zakhm-e-dil, koi deeda-war hi nahi mila.**