**Ye kesa izn-e-takallum hey jis ki taab na ho!
sawaal karney dia jaey aur jawaab na ho
agar khaloos ki dolat ke goshwaarey baneiN
to shehar-bhar meiN koi sahib-e-nisaab na ho
haraa hey zakhm-e-tamanna to ashq kesey thameiN!
bahaar meiley meiN kiuN shirkat-e-gulaab na ho!
hameiN to chashma-e-hewaaN bhi koi dikhlaey
to tajruba ye kahey ga, kaheiN saraab na ho
hamaari be’jehti ka koi jawaaz nahiN
ye dukh to unka hey jin ki koi kitaab na ho
aek aesi titli, ke bachchey ke lams sey mehroom
wo neend jis ke ta’aaqqub meiN koi khaab na ho
hamaarey qehat bhi aur baarisheiN bhi poori huieN
hamaaey naam ka ab to koi azaab na ho**
