**ye jo waqt hae mere shaher par kayee mausamon se ruka huwa
issey izn de keh safar kare
issey hukm de ke chal parde,mere aasmaan se dour ho
Koi chaand chehra kushaa kare
koi aaftaab zahoor ho
ke nawah-e-chashm-e-khayal mei wo jo khwab thein wo dhuwan huwe
wo jo aag thi wo nehi rahi, jo yakeen thay wo gumaan huwe
koi dhundh hai jisse dekhte meri aankh barf si ho gayi
wo ibarat-e-sir-e-loh-e-dil, kissi rabt se nahi aashna
ke jo roshni thi kitaab mei wohi harf harf si ho gayi
koi gardbaad uthe kaheen, kisi zalzale ki namood ho
yeh jo ‘hest’ hai mere chaar soo, koi maujza ke ye ‘bood’ ho
meri aankh mei ye jo raat hei, meri umr si, isse taal dey
mere dasht-e-reg-e-malaal ko kissi khushkhabri ka ghazal de
ye falaq pe jitne nujoom hei tere hukm ke hain muntazir
wo jo subh-e-nau ka naqeeb ho meri simt uss ko uchhaal de
AMJAD ISLAM AMJAD**