ye husn tera ye ishq mera....

Arts & Culture Poetry ( Intikhaab & Sho'ra-e-Gupshup)
1

**ye husn tera ye ishq mera
rangeen to hai badnaam sahee
mujh par to kayee ilzaam lage
tujh par bhii koyee ilzaam sahee

is raat ki nikhari rangat ko
kuchh aur nikhar jaane de zaraa
nazron ko bahak jaane de zaraa
zulfon ko bikhar jaane de zaraa
kuchh der ki hi taskeen sahee
kuchh der kaa hi aaraam sahee

jazbaat ki kaliyaan chunana hai
aur pyaar ka tohfaa denaa hai
logon ki nigaahen kuchh bhee kahein
logon se hamein kya lena hai
ye Khaas ta’alluq aapas kaa
duniyaa kii nazar me aam sahee

rusavaayi ke dar se ghabraa kar
ham tark-e-wafa kab karte hain
jis dil ko basaa lein pahlu me
us dil ko judaa kab karte hain
jo hashr huwa hai laakhon ka
apna bhee wohi anjaam sahee

ye husn tera ye ishq mera
rangeen to hai badnaam sahee
mujh par to kayee ilzaam lage
tujh par bhii koyee ilzaam sahee**

Sahir Ludhianwi

2

Bahut khoob :k::k::k:

3

nice :)

4

Re: ye husn tera ye ishq mera…

Sahir is really a ‘sahir’…He is simply amazing… And full credit also to those who post his poetry:k::slight_smile:

5

*rusavaayi ke dar se ghabraa kar
ham tark-e-wafa kab karte hain
jis dil ko basaa lein pahlu me
us dil ko judaa kab karte hain
jo hashr huwa hai laakhon ka
apna bhee wohi anjaam sahee *

very nice.
bohat khoob... :)

6

Buhat Khoob :k:

7

impressive
keep it up :k:

8

bohat khoob :k::k:

9

wow!! thanks for sharing the amazing stuff:k::k::k:

10

wah ji kiya kehna aap ki choice ka thanks 4 sharing!