ye dasht-e-hijr, ye wehshat, ye shaam k saaey
khuda ye waqt teri ankh ko na dikhlaaey
jo kho chukay hein unhen dhoondna to mumkin hai
jo ja chukay hein unhen koi kis tarah laaey
kali se mein ne gul-e-tar jisay banaaya tha
“rutein badalti hein kaisay”, mujhay hi samjhaaey
jo bay-charagh gharon ko charagh deta hai
usay kaho k mere shehr ki taraf aaey
ye iztarab-e-musalsal azaab hai AMJAD
mera nahi to kisi aur hi ka ho jaey
Come again plz.