YE BAAT SAMAJH MAIN AAI NAHIN..
Ye baat samajh me aai nahiN, aur Ammi ney samjhai nahiN
MaiN kese meethi baat karooN? Jabb meethi cheez khai nahiN..
Aapi bhi pakaati haiN Halwa, Woh aakhir kiyon ‘Halwaai’ nahiN?
Bhayya ki mangni ho gai kal, Kiyoon kal hi ‘Dulhan’ mangwaai nahi?
Ye baat samajh me aai nahiN..
Naani ke miyaan jab Nana haiN, Dadii ke miyaaN jabb Dada hain…
Tab Aapi se main ne poocha.. Baaji ke miyaan kiya ‘Baaja’ hain?
Woh huns huns kar yuuN kehnay lagi, are bhaii nahiN yeh bhai nahiN
Ye baat samajh main aaai nahiN..
Jab naya maheena aata hay, Bijli ka bill aa jaata hay
Halaankey Baadal bechaara ye bijli mufft Lutaata hay
Phir hum ne apnay ghar Bijli… KiyoN Badal se lagwaai nahiN?
Ye baat samajh main aai nahiN..
Kiyoon Lambay baal hain bhaalo ke ? KiyooN uss ki tind karai nahiN?
Kiya ‘woh’ bhi Ganda bacha hay?.. Ya uss ke Abbu, Bhai nahiN?
Yeh uss ka ‘Hair Style’ hay?.. Ya Jungle main koi Naai nahiN?
Ye baat samajh main aai nahiN..
Jo Taaray jagmag kartay haiN, Kiya unn ki ‘Chachi Taai’ nahi?
Ho ga koi rishta sooraj se?.. Ye baat humeiN batlaai nahiN..
Par Chanda kaisa mamooN hay? Jab Ammi ka woh ‘bhai’ nahiN?
Ye baat samajh main aai nahiN..
Ye baat samajh main aai nahiN, Aur Ammi ne samjhaai nahiN
Main kesay meethi baat karoon? Jab meethi cheez khai nahiN..??!