yaum-e-ummahaat [Mother's Day] par ek qit'a

Arts & Culture Poetry ( Intikhaab & Sho'ra-e-Gupshup)
1

salaam dosto
mizaaj kaise haiN?

aaj maaoN kaa 'azeem din manaayaa jaa rahaa hai…go k har roz hii yaum-e-ummahaat manaanaa chaahiye magar aajkii tun o tez rau dunyaa meN yeh 360 dinoN kii moHabbat ek din meN simaT gaii hai.

maaN jaisii 'azaam hastii ko meraa salaam hai aur ek ma’moolii saa Khiraaj e 'aqeedat pesh kartaa huN. mulaaHizah farmaaiye:

ammaaN kii hii aaGhosh meN har shaKhs palaa hai
vaalidah kaa adab vaalid saaHab se sivaa hai
amaaN kii 'itaa’at na karuuN maiN to Khataa hai
zer-e-qadam-e-vaalidah firdaus-e-'alaa hai

merii maaN to nahiiN rahiiN jinheN maiN har roz har pal yaad kartaa huN magar merii du’aa hai k Allah sabhii apne aur GhairoN par unkii maaoN kaa sayaa bar_qaraar rahe…aameen.

faqat aHqar
_______KKF

2

Re: yaum-e-ummahaat [Mother’s Day] par ek qit’a

nice :k:

3

Re: yaum-e-ummahaat [Mother's Day] par ek qit'a

thank you, Muqwee. :)

4

Re: yaum-e-ummahaat [Mother’s Day] par ek qit’a

aala :k:
mene socha tha es dafa saas ko wish kron vo bhi to ma jesi hein
per phir dil mana nhai

MAA jesa to koe bhi nhai hota es dunia me :frowning:

5

Re: yaum-e-ummahaat [Mother’s Day] par ek qit’a

saas bhi to maa hai, agar mehrbaan hai :emmy: