Yakeen Nahi Uske Chale Jane ka

Arts & Culture Poetry ( Intikhaab & Sho'ra-e-Gupshup)
1


**
**Aasmaan Ke Tare Aksar Puchha Karte Hai,
Kya Tumhe Ab Bhi Intezar Hai Uske Laut Aane Kaa?

Aur Dil Muskura Ke Kehta Hai’
Muje To Ab Bhi Yakeen Nahi Uske Chale Jane ka

Shayad Kisi Nain Mera he Haal-e-Dil Likh Dia hai…

2

Re: Yakeen Nahi Uske Chale Jane ka

Yeh koi gehri saziish lagti hai

3

Re: Yakeen Nahi Uske Chale Jane ka

Sazish nahi Qismat ya Shayad Zindagi ka Mazaak....Lekin yeh Mazaak ke baat nahi hai..mujhey sach ajj bhe aise lagta hai wo kisi din achanak se samne aa ker khara ho jaye ga ...

hehehe, let me introduce my self.

I am a girl even a woman living in karachi. new at any forum even over any social network, join kia shayad dil main chupi aik choti se arzo the ke kaheen wo mil jaye ..lekin .........

Socha Duniya Social network he ke batain ker rahe hai ajj kal... shayad wahan he kuch hansi mazak ho jaye..kuch gumnaam dost ban jain jin se dil ke her baat keh do....bina khauf ke ...apney dil ka her bojh halka ker do... may be thora dil he halka ho jaye ...

hehehe yahan aa ker dekha, sab he totey dil ke batain ker rahe hain .... Lekin yehi dua hai Allah sab ko bachaie roz jiney aur roz marne se .

main kehna chahti hon..likhna chahti hon ..lekin dar lagta hai mazak urane walon se ..tankeed kerne walon se ..lekin ab bojh saha bhe nahi jata ...

4

Re: Yakeen Nahi Uske Chale Jane ka

aap khul ke post karen… hansi mazaaq ko lightly len. believe me yahan koi kisi ki dil aazari nahin karta… :k:

5

Re: Yakeen Nahi Uske Chale Jane ka

Welcome to the forum and we look forward to your active participation. Mashallah the shair you posted is very good. Please dont feel shy and post any piece of poetry you like. No one will make fun of you.

koi aap ka mazak nahin urray ga. kalam pesh karein. agar aap ka apna kalam hai toh doosray forum jhiss ka naam Shora-e-gupshup hai uss mein post marein

6

Re: Yakeen Nahi Uske Chale Jane ka

Thanks a lot

7

Re: Yakeen Nahi Uske Chale Jane ka

Thank You.

8

Re: Yakeen Nahi Uske Chale Jane ka

Log Kehtey hain ke jab koi bolta hai to do wajohat hotin hain, aik ya to hamdardi hasil kerney ke liye Ya Apni baat manwane ke liye.. Main yeh baat nahi manti.. kabhi log dil ka bojh halka kerney ke liye bhe boltey maqsad hamdardi hasil kerna nahi hota .. bas bolna hota hai koi sune na sune, koi samjhe na samjhe... ya shayad dosron se sunna hota hai apni galtion ke barey main.

Aj main 31 sal ki hoon,Married aur aik betey ki maan, Apni Zindage ke 10 haseen sal us ke sath guzarey hain main nain, us nain hansna sikhaya, zindage ko enjoy kerna sikhaya, rotey main hans dena... shayad sab kuch usi nain sikhaya....... bike ho ya car ankain band ker ke us ke kandhe per sir rakh karachi ki sair..lekin

pichley 2 salon se roz jeeti hon roz marti hon, ab zabt nahi hota......ab bhe dil khali nahi kia tu kuch ho he na jayee...her chiz se.. her jaga se us ki koi ka koi yad juri hai..aisa lagta hai her jaga wo he apni yadain chor ker gaya hai..aisa lagta hai us ke jane se main khali ho gaye hon, us ke bina adhro ho gaye hon, us nain to her qadam per mera sath dia , maire sath raha ....

Aisa nahi ke us nain mujhey chora... main nain he usey chor dia...aur yahan bhe mera sath de ker wo na jane kahan gayab ho gaya ... pichle 2 sal main bas do gumnaam SMS, bas HAPPY BIRTHDAY TO YOU, kia main janti nahi ke duniya ke na jane kis hisse se mujhey jo yeh sms mila hai wo kis ka hai...dono bar us ka message ane se pehley dil ka dharakna mujhey kuch batata nahi kia ...Febraury 12th 2011 ko main nain usey aik sms kia, mujhey kia maloom tha ke wo sms mairey sath sath us ki zindage bhi badal de ga ... ajj bhe us sms ke alfaz yad hain mujhey

"Monday 28th Feb ko app ki Paalo ki shadi hai, ager ho sake to mujhey maaf ker dijiye, bas 1 bar mujh se baat ker lijiye. Shayad phir kabhe baat na ho. meri tamam galtion ko maaf ker den, plz, i will miss u alot "

Bas us ke bad siwai us ke 2 sms ke pata nahi kia hoa, wo kahan chala gaya. aunty ko fone kia to shro main unhon nain kaha ke "beta wo islamabad gaya hoa hai kaam ke silsiley main aur us ka mobile kaheen kho gaya hai"..

Lekin mujhey pata hai wo Pakistan main he nahi hai...app mano ya na mano, kai bar aisa hoa hai jab bhe wo out of city gaya mujhey najane kaise pata chal jata tha, main us se yehi poochti the ke kahan ho, wo poochta tumhain kaise pata to hamesha mera jawab yehi hota tha ...mujhey hawain app ka pata batate hain... us ko cho ke jo hamwain mujh tak ate theen wo bhe na jane kahan gum ho gaye hain ..

Maloom nahi tha us ke bagair zindage itni mushkil bhe ho jaye ge... janti hon usey dhondna itna mushkil bhe nahi ...us ki student life se le ker professional career tak buhut sare logon ko janti hon... koi na koi tu janta hoga ke wo kahan hai ..lekin ...jab wo pochey ga ke...kesi ho ..tu kia zabt ker paon gi ....kia us se jhoot bol paongi... kia usey bata paongi ke jisey tum nain pholon ki trah rakha ajj kanton se be badtar ho gaye ...kaise bataongi usey ke valime ke dosre din se jo husband nain hath uthaya wo ajj tak nahi ruka ... jis nain karachi ka koi resturant nahi chora maire sath, usey kaise bata paongi ke kabhe tu sirf khane ko thapper he miltey hain ....jis nain kabhe rone nahi dia usey kaise bataoon ke ab muskuraiye hoye he arsa ho gaya hai .....kia bataoon main usey...Lekin yeh dil najane kion ............

:) 1st November, jab main is forum per aye, meri birthday the, us ka sms aya tha Singapore ke number se jab call ke to mobile band tha, kia kerti, dil ka gubar kahen to nikalna tha ....

9

Re: Yakeen Nahi Uske Chale Jane ka

dear, isi ka naam zindagi hai
kabhi dukh kabhi sukh
kabhi raat kabhi din

agar hamesha raat nahin rehti to hamesha dukh bhi nahi reh sakte
umeed hai mere sath tamam GS members aap k leay dua go haon gy

10

Re: Yakeen Nahi Uske Chale Jane ka

Sorry agar aapko meri baat buri lagi ...I really am sorry ...
And btw you shud feel free to post your views via poetry ( in poetry section)
Baqi tanqeed ko positive lain ...coz kaunsa aesa insan hai jiss per tanqeed nahin hoti ...maza tou jab hai na keh aap uss tanqeed mein se apna talent nikalain ..Which I know you are oozing with.

Sorry once again.

11

Re: Yakeen Nahi Uske Chale Jane ka

:teary2: itna pyar. .:hmmm:

12

Re: Yakeen Nahi Uske Chale Jane ka

itna pyar to sab k leay hai

13

Re: Yakeen Nahi Uske Chale Jane ka

:welcome: to the forum and feel free to post
:hugz:
Allah subki life asaan karay

14

Re: Yakeen Nahi Uske Chale Jane ka

Ameen

15

Re: Yakeen Nahi Uske Chale Jane ka

Dont be Sorry Please, Sorry to Kismat ko Kerna Chaiye...Lekin Main Kismat ko nahi Maaf Kerne Wali...Bas Mujhey dar yeh tha ke koi meri muhabbat ka mazak na uraiye, maire pass mohabbat ke siwa kuch bhe nahi..

Dont be Sorry.