Yak Ba yak yeh keya sipah mein saff ba saff hone laga

Arts & Culture Poetry ( Intikhaab & Sho'ra-e-Gupshup)
1

Aik Addad Ghazal le kar Haazir hoon…kissi bhi qissam ki tanqeed-o-rayee ka Muntazir..arz kartaa hooN

**Yak-ba-yak yeh keya Sipah mein Saff-ba-Saff hone lagaa
Sar-bakaff tha jo Sipaahi Mun’harif hone lagaa

Sar’had-e-Shehr-e-wafaa pe be-kumak jab reh gaiyaa
Phir to har Teer-o-SanaaN ka maiN Hadaf hone lagaa

Aik Hangaama daroon-e-Jism-o-JaaN barpaa huwaa
Jab Makeen-e-Dil bhi Dil se bar-taraf hone lagaa

Baadshaahat Dil ki thi jo, haath se jaane lagi
Jab wo meri Zaat se bhi Munharif hone lagaa

Baargaah-e-Aizdee meiN Baaryaab aisaa huwaa
Aik ik Aaansoo mera DURR-E-SADAF hone lagaa

Aik Sajda-e-kHushu ki der thi “Tassneef” Phir
Meraa Masjood-e-Nazar bhi Munkashiff hone lagaa **

Note:- Main dono takHaluss Istemaal akrtaa hooN " Shaakir" aur " Tassneef" ..It depends on Wazan and Behr.

Daiyaar-e-MagHrib se jaane walo!daiyaar-e-Mashriq ke BaasioN ko
Kisi gHareeb-ul-Watan Musafir ki ChaahtoN ka salaam kehnaa
Hamaare Shaam-o-Sehar ka keya Haal poocHte ho ke lam’haa lam’haa
Naseeb in ka bana rahe haiN tumhaare hi Sub’ho Shaam kehnaa

[This message has been edited by Tassneef (edited June 21, 2002).]

2

Wah tasneef jee…aap ki choice to bohot achee hai …

http://www3.pak.org/gupshup/smilies/smile.gif

3

shukriaaa
magar Choice nahi hai naa yeh to mera apna Kalaam hai

http://www3.pak.org/gupshup/smilies/smile.gif

Jazakallah nayaab Sahibaa

Daiyaar-e-MagHrib se jaane walo!daiyaar-e-Mashriq ke BaasioN ko
Kisi gHareeb-ul-Watan Musafir ki ChaahtoN ka salaam kehnaa
Hamaare Shaam-o-Sehar ka keya Haal poocHte ho ke lam’haa lam’haa
Naseeb in ka bana rahe haiN tumhaare hi Sub’ho Shaam kehnaa

4

..

http://www3.pak.org/gupshup/smilies/smile.gif

… pretty good … so if this is not your own work whose is it?

“Do what you feel in your heart to be right - for you’ll be criticized
anyway. You’ll be damned if you do, and damned if you don’t.”

5

Misbaah sahibaa yeh kaalaam Khaaksaar ka hi hai
aap ne shaiyad Note per Ghaur nahin kyiaa
keh maiN Behr ke Hisaab se Tassneef aur Shakir dono takhaluss istemaal karta hoooN bcs mera name Munawar Ahmad Shakir hai

http://www3.pak.org/gupshup/smilies/smile.gif

magar aksaar auqaat Shakir ka istemaal Maqtaa mein karne se Sher ka wazan aur Behr gir jaati hai iss ylei mujay Tassneef Istemaal akrna parhta hai aur tassneef ko maiN har jagaah istemaal nahin kar saktaa chunachey mujhey Shakir ko hi main takhalluss ke taur per istemaal karna parhta hai

**Sheh-Ragg se QareeN mujhko Mehsoos jo hotaa hai
Dekhaa to nahiN usko Tanhaai meiN rochaa hai
Maqtal ki taraf aatey aur tez Qadam aatey
Aawaaz to di hoti ham teri Qassam Aatey
Aye Jazba-e-kHud’daari jhukne na diya tune
Likhne ke lyie warnaa Sone ke Qalam Aatey
**

6

Hmmm acha jee to yeh baat hai …

http://www3.pak.org/gupshup/smilies/smile.gif

To yeh aap ka apna Kalaam hai …pher to aur bhi achee baat hai …

Jazakallah Jazakallah