yahoo ki wo mulakatein
wo pyar bhari batein
wo login hone ka intezar
wo intezar ki saatein
kaho! kya bhool jao ge?
wo farzi naam ka batana
hahaha likh ker jhoot qehqaha lagana
wo asl pochne per
apni umar or kam batana
kaho! kya bhool jao ge?
wo pay bhari tehreerein
wo yahoo ki emotion tasweerein
wo nick me haal-e-dil likhna
wo net ko fast kerne ki tadbeerein
kaho! kya bhool jao ge?
wo typing se unglion me dard hona
kisi baat pe cherey ka zard hona
lafz sorry ka screen pe atey hi
lehjay ka phr se sard hona
kaho! kya bhool jao ge?
wo jagna roz ratoon me
wo chalakna pyar bataon me
wo type kerte kerte
lena mouse hatoon me
kaho! kya bhool jao ge?
wo yahoo pe dosroon ko ignore kerna
har jumley pe bohat goor kerna
wo dil pe pathar rakh k bye kehna
zara der or rukne pe zor kerna
kaho! kya bhool jao ge?
tumharey login hotey hi
doston ka jhumgata lag jana
tum se baat kerne ki khatir
doston se sir dard ka jhoota bahana
kaho! kya bhool jao ge?
bewaja ki bataon pe takrar kerna
wo bar bar net meeting pe israr kerna
roman urdu me ki gayi batein
pyar ka dabey lafzon me izhar kerna
kaho! kya bhool jao ge?
wo doston se tumhara id chupana
kabhi font badalna kabhi gungunana
der se jawab ane pe
busy hone ka ilzam lagana
kaho! kya bhool jao ge?
yahoo k anchal pe likhi
meri zindagi ki kahani
mujh ko sada yaad rahe ga
tera har aik lafz zabani
kaho! kya tum bhool jao ge?
