**Yahee aarzoo rahee umr bhar ke muhabbatein merey saath hon
Khabhi aiesa ishq nahin kiya ke nadamatein merey saath hon
Koyee aiesa harf nahin likha ke ho sharamsaar qalam mera
Koyee aiesa jurm nahin kiya ke wazahatein merey saath hon
Faqat aik shakhs ki aarzoo mein guzar rahee hai ye zindagi
Ye talab nahin ke tamam sheher ki chahatein merey saath hon
Jo mein jaagti hon tou is liyee ke kisi ko neend tou aasakey
Meri subha is pe nisaar ho meri zulmatein merey saath hon
Mein kisi adalat-e-ishq mein, Ay merey KHUDA, rahoon surkhuroo
Kaf-e-dast pe mera dil rahey, meri tohmatein merey saath hon
Ye nahin ke raah mein jo miley usey humsafar hi banaoon mein
Jo tamam umer nibah sakein wo rafaqatein merey saath hon
Mujhe rasmi rasmi sa mail jol, passand hi nahin jaan-e-mann
Mein ye chahti hon ke jo tu miley, meri wehshatein merey saath hon**
