" YAAR KO HUMNE JA BA JA DEKHA "

Arts & Culture Poetry ( Intikhaab & Sho'ra-e-Gupshup)

darwesh March 14, 2006, 1:30am 1

Tamaam ahle dil ke liye !

*** Yaar Ko Humne Ja Ba Ja Dekha**
Kahin Zahir Kahin Chupa Dekha

Kahin Mumkin Hua Kahin Wajib
Kahin Fani Kahin Baqa Dekha

Kahin Woh Baadshah e Takht Nashin
Kahin Kasa Liye Gada Dekha

Kahin Woh Dar Libaas e Mashuqan
Bar Sar e Naaz Aur Ada Dekha

Kahin Ashiq Niyaz Ki Surat
Seena Bariyaan O Dil Jala Dekha !!!

Hazrat Shah Niaz

Zamil March 14, 2006, 7:18am 2

Re: " YAAR KO HUMNE JA BA JA DEKHA "

" Ham ne sun li hai navaa-e-darwesh"

Poet ne to kamaal kia hi tha, Aabida Parveen g ne do-aatisha kar dia
aur aap ne yahaan bheij k seh-aatisha.
Ittefaaq ki baat dekhiye k aap abhi na post karte to main ne next post k liye ise hi soch rakha tha.
Jio !!!
:-))

being_lonely March 14, 2006, 11:09am 3

Re: " YAAR KO HUMNE JA BA JA DEKHA "

thx 4 sharing this cute ghazal ive been searching 4 it

darwesh March 15, 2006, 2:46am 4

Re: " YAAR KO HUMNE JA BA JA DEKHA "

Zamil ji....
Aapke andar Darweshi ke sare jaraseem paye jate hain,
waise dil se dil ko raah hoti hai....

nawazish doston !
meri jholi aise khazane se atti pari hai...koi sunne wala to ho !

Zamil March 15, 2006, 3:02am 5

Re: " YAAR KO HUMNE JA BA JA DEKHA "

Darweshi k bhi jaraseem hote hain… !!!
“Khaas Raushni” mein dekhna parre ga bhaee.
Waise no-problem, “Safe-Gaurd Hai Na !”

Hum jaise dunia-daaron ko darwesh na keh !
Darwesh jo hain wo sun lein ge to maarein ge !

goodnews August 19, 2006, 5:07am 6

Re: " YAAR KO HUMNE JA BA JA DEKHA "

Wah ki abat hy Hazrat Shah Niaz ky klam ki. Iqbal ki yeh rubai bhi kuch yehi manni rakhti hy shaid,
" Khudi ki khulwaton main gum rha main
Khuda ky samny gua na th amain
Na dykha Ankh uth akr Jalway dost
Qiyamat main Tmasha Ban giy amain"

lutfullah August 23, 2006, 8:42am 7

Re: " YAAR KO HUMNE JA BA JA DEKHA "

"Hum ko yaan dar dar phiraaya Yaar ne!
Laa makaan mein ghar banaaya Yaar ne!
Sirf ik adnaa tamaashe ke liye!
Hum ko sooli par charhaaya Yaar ne!
Sirr o shaan e be Niazi khul gayi!
Jis taraf rukh ko phiraaya Yaar ne!"
- Hazarat Shah Niaz Barelvi Rahamatallahu Alaihi.

Darwesh ki haalat ko darwesh hi jaane hai!

Rate Pakistani Players

Sannan August 24, 2006, 6:04am 8

Re: " YAAR KO HUMNE JA BA JA DEKHA "

Zabardust Darwesh G ... buhat khubsurat kalam post kia aap nay ......

kaleemhk August 24, 2006, 6:12am 9

Re: " YAAR KO HUMNE JA BA JA DEKHA "

Bohat Khoob....:)

goodnews August 24, 2006, 6:15am 10

Re: " YAAR KO HUMNE JA BA JA DEKHA "

Wah Lutfullah Buhat khub:)

IS August 24, 2006, 11:04am 11

Re: " YAAR KO HUMNE JA BA JA DEKHA "

Bohat Khoob :-)