kaash khwabon main hee aa jaao bohat tanha hoon
ya miray zehan say yaadon kay diiay gul kar do
maray ehsaas kee duniya ko mita do hum-dam
raat taaray naheen angaaray liiay aatee hay
in barastay hoooay sholon ko bujha do hum-dam
dil kee dharkan ko sula jaao bohat tanha hoon
andhairee raat main jab chaand khilnay lagta hay
tumharay piyar kay deepak jala kay rota hoon
tumharay aanay kee jab aas janay lagtee hay
main in chiraghon ko khud hee bujha kay rota hoon
zindagee aisee mita jaao bohat tanha hoon
sochtay sochtay jab soch bhee mar jaatee hay
vaqt kay qadmon kee aahat ko suna karta hoon
ashk thamtay hain to aahon kaa dhooan uthta hay
raat bhar yoon hee tarapta hoon jala karta hoon
baar-e-gham kuch to ghata jaao bohat tanha hoon