**Mere nazarye k mutabiq to dunya men sab se zalim cheez “Yaad” hy,aae to jala deti hy na aae to saza deti hy,kisi taraf chen nhi,hum khud hi apne ap ko aisi mushkilaat men daalte hen,lekin baaz okaat aisi mushkilen bht asaan lagti hen ya shaid khoobsurat !!
Mere liya to tum aik nihayat khoobsurat mushklil ho jise baar baar hal karne ko dil chahta hy,aur phr baar baar kisi nai umang k sath dobara hal krne ka jee chahta hy.Kia ho tum…..shaid zindagi men koi aisa morr aaek men is khoobsurat se mushkil sawal ka jawab de sakon.
Tum yaad ati ho to akele nhi aati sath bht kuch le ati ho.Barish apne sath sirf paani k qatre nhi lati,khusbu b lati hy,taazgi blati hy,bahar b lati hy aur zindagi b laati hy, tum mere liye kia lati ho……..!
Shaam k dhalte saye apne sath roshni to le jate hen lekin peeche khoobsurat sii thandi hawa,zehn-o-dil men utarte hoe saye aur rooh ko bedaar krne wali yaaden chor jaten hen,tum mere liye kia chor jati ho……….!
Dekha! Tum ne muje b aik mushkil aik sawal hi bana diya hy.lekin men is kadar b mushkil nhi hon,zara si tawajah do to hal kr lo gi muje.
Bht yaad ati ho akele men,sab k darmyaan men to tum muj men chup jati ho k kahin kisi par zahir na ho jao,aur akele men…….akele men phr tum ahista ahista muj par zahir hone lagti ho aur tum yaad ban kar gulaab ki aik aik patti ki tarha mere ird gird bikharne lagti ho.
Ab bhi to bikhri hoi ho har taraf,kahan dekhon jahan tum na ho,lekin sach to ye hy k mera har taraf har had tak dekhna is liye zaruri hy k ye yakeen kr lon k har had tak tum hi tum ho.Hadon ki tasali kr lon to hadoz se aage jaon aur dekhon k………..
Jab tum yaad ati ho to muje aik nukte k alawa har jaga andhera hi nazar ata hy,ankhon men chahe jitni b neend bhari ho likin zabardasti ankhen kholna aur phr khuli ankhon se tumhe sochna aur sochte jana,itna k ankhen pani se bhar jati hen lekin tumhari soch ,yaad palken jhapakne hi nhi deti.
Khuli ankhon se tumhe sochna aur band ankhon se……saare din men to tumhe dekhna mushkil hote hy kyun k tumhe dunya ki ankhon se dekha nhi ja sakta.Khuli ankhen to dunya ko dekhne k liye hoti hen,is liye jab bhi tumhe dekhna ho to muje apni palken jhapakna acha lagta hy. Ankhen band hote hi dil ki ankh khul jati hy aur phr sirf tum nazar ati ho aur kuch nhi--------------
Ab din mne jab jab palken jhapkon to tum hi dikhai deti ho,khuli ankhon se tumhe sochna aur band ankhon se tumhe dekhna,bas aur koi kaam nhi hy muje,in do amlon k darmyaan kuch bachta b kahan hai !
Lekin ab khuli ankhon se bhi tumhe dekhne ki khawahish hy,magar ye din to jese sadiyaan ban gae hen !!!
Salam everybody,i’ve written this piece of prose ,plz read it tell me do u like it?
**
