har rooz koi yaad dilati hain fazaain
madham koi aawaaz sunati hain hawaain
wehshat main zindagi ko guzara hai kis liey
kia dard-e-zindagi hai tumhain kese bataain
gham ne janoone zeest ko khamoosh kar dia
ab daastan-e-ishq bhala kesey sunaain
jab kaatib-e-takdeer he haq main nahi mere
phir kis ko bebasi ka ye ehsaas dilaain
khud he khafas main kaati hai humne tamaam umer
kesey kisi ko raahe gulistaan dikhaain
zinda thay jab talak koi apna na mil saka
mar ne ke baad kia koi umeed lagaain
