HAI DUA YAAD MAGAR HARF-E-DUA YAAD NAHI
MERE NAGHMAT KO ANDAZ-E-NAWA YAAD NAHI
HUM NE JIN KE LEYE RAHON MEIN BICHAYA THA LAHOO
HUM SE KEHTE HAIN WOHI, EHED-E-WAFA YAAD NAHI
ZINDGI JABAR-E-MUSALSAL KI TARAH KATI MAIN NE
JANE KIS JURM KI PAYI HAI SAZA YAAD NAHI
MAIN NE PALKOON SE DAYAR-E-YAAR PE DASTAK DI HAI
MAIN WO SAYEL HON JISE KOI SADA YAAD NAHI
KESE BHAR AAYEN SAR-E-SHAM KISI KI ANKHEN
KESE THARAI CHIRAGHON KI ZIA YAAD NAHI
SIRF DHUNDLATE SITARE KI CHAMAK DEKHI HAI
KAB HOA KON HOA MUJH SE JUDA YAAD NAHI
AAO EK SAJDA KAREN AALAM-E-MADHOSHI MEIN
LOG KEHTE HAIN SAGHAR KO KHUDA YAAD NAHI