**Dil ne seene mein tarhap kar jab unhein yaad kiya dar-o-dewaar ko aamada-e-faryaad kiya
vasl se shaad kiya hijr se nashaad kiya uss ne jis tarha se chaha mujhe yaad kiya
tum mere rone pa roye sitam ejaad kiya ishq ki rooh ko amada-e-faryaad kiya
sabr do din na hua roley bohat yaad kiya ab na kehna ye zabaan se tujhe azaad kiya
aik tareeqa hai ye sayyad ka Allah Allah aik ko qaid kiya aik ko azaad kiya
aur kya chahiye sarmaya-e-taskeen ay dost ik nazar dil ki taraf dekh liya shaad kiya
charq-e-nayrangi asbaab kahan taq kijiye muqtasar ye hai hamein aapne barbaad kiya
mehrbaan hum pa rahi chashm-e-suqan go unki jab mili aankh nigahon ne kuch irshaad kiya
dil ka kya haal kahuun josh-e-junoon ke hathon ek gharonda sa banaya kabhi barbaad kiya
ab se pehle tu na tha zauq-e-mohabat ruswa shayad unn mast nigahon ne kuch irshaad kiya
ishq kyun sog manata ye khushi kya kam hai dil ye jiska tha ussee ne ussey barbaad kiya
jurm majboori-e-betaab Ilahi tauba ye bhi ek be-adabi thi ke tujhe yaad kiya
maut ek daam-e-girftari-e-taza’h hai Jigar ye na samjho ke gham-e-ishq ne azaad kiya
By: Jigar Muradabadi
**
Althea
April 30, 2006, 6:12am
2
Re: yaad kiya
^ apki intikhab-e-ghazal se ji khush ho gaya ... its beautifully written. Mein apne app ko post karne se rok sa saki, issi moozu pe likhi gaye ek aur ghazal ko jo recently meinne parhi thi ... bila ijazat apke thread mein post karne ke mazarat chaon gi ...
yaad kya dast-e-hunar hai ki sanvarta gaya main
***iss ko tahzeeb-e-junoon kahiye ke mujh se pehle
naqsh kitane the ke ma'aduum hue silsilavar
ek tasveer banai thi mukamal na hui
harf-e-iqrar hi kehata raha bekhaufi se
apne andar ke talaatum ne rakha hai abad
har nafas barhta gaya uss ki tamanna ka Kharosh
zindagi kuu-e-malaamat hai koi kya Thahre
***(Pirzada Qasim)
Re: yaad kiya
^ apki intikhab-e-ghazal se ji khush ho gaya ... its beautifully written. Mein apne app ko post karne se rok sa saki, issi moozu pe likhi gaye ek aur ghazal ko jo recently meinne parhi thi ... bila ijazat apke thread mein post karne ke mazarat chaon gi ...
yaad kya dast-e-hunar hai ki sanvarta gaya main uss ko socha to usse yaad hi karta gaya main
iss ko tahzeeb-e-junoon kahiye ke mujh se pehle jaise bikhare hain sabhi log bikharta gaya main
naqsh kitane the ke ma'aduum hue silsilavar aur har naqsh ke pehlu se ubharta gaya main
ek tasveer banai thi mukamal na hui ek hi rang lahu rang tha bhartaa gaya main
harf-e-iqrar hi kehata raha bekhaufi se yaani inkaar ke aashob se Darta gaya main
apne andar ke talaatum ne rakha hai abad Khud hi iqrar kiya Khud hi mukarta gaya main
har nafas barhta gaya uss ki tamanna ka Kharosh lamha lamha issi vehshat mein nikharta gaya main
zindagi kuu-e-malaamat hai koi kya Thahre apni hi vazaa ka main hoon so Thaharta gaya main
(Pirzada Qasim)
Thanks for sharing... mazarat ki koee zaroorat nahi .....
Re: yaad kiya
Gham-e-dunya ne hamein jab kabhi nashaad kiya ay gham-e-dost tujhe maine bohat yaad kiya
husn-e-masoom ko amada-e-bedaad kiya mujh ko khud meri tamanna'on ne barbaad kiya
ashq beh beh ke mere khaak pa jab girne lage maine tujh ko tere daaman ko bohat yaad kiya
qaid rakha mujhe sayyaad ne keh keh kar abhi azaad kiya bas abhi azaad kiya
haay wo dil mujhe uss dil pa taras aata hai tuu ne barbaad kiya jisko na abaad kiya
aah wo khaatir-e-nazuk na ho maghmoon kaheen hichkiyaan kehti hain aaj uss ne mujhe yaad kiya
tujh ko barbaad he hona tha bahar-haal khumaar naaz kar naaz ke uss ne tujhe barbaad kiya
By: khumaar Barabankvi
Re: yaad kiya
Bohut khub. Both were so nice :k: