Yaad ki raah-guzer jiss per issi surat se
MudatteiN beet gaye haiN tumheiN chalte chalte
Khatam ho jaaye jo do chaar qadam aur chalo
MooR paRta hai jahaN dasht-e-faramoshi ka
Jiss se aagey na koi meiN hooN na koi tum ho
Saans thaamey haiN nighaheiN k na janey kis dum
Tum palaT aao, guzar jaao ya muR ker daikho
Gar cheh wakif haiN nighaheiN k ye sub dhoka hai
Gar kahieN tum se hum-aaghosh hovi phir se nazar
Phoot nikley gi wahaN aur koi raah-guzer
Phir issi tarah jahaN hoga muqabil peeham
Saaya-e-zulf ka aur junbish-e-bazo ka safar
Dosri baat bhi jhoti hai k dil jaanta hai
HaaN koi mooR, koi dasht, koi ghaat nahi
Jiss k pardey maiN mera maah-e-ravaaN doob sakey
Tum se chalti rahey ye raah yoonhi acha hai
Tum ne muR ker bhi na daikha tou koi baat nahi
**
–Faiz Ahmed Faiz**
