*Paa barhana aur mere charoon taraf tanhaeyaan
Chun raha hoon teri yaadoon ki sulaghti kircheyaan
Kya kahain tark-e-taluqq ka iraada tu nahee
Yaad jo karne lagay ho tum puraani talkheyaan
Aah ! Woh mausam woh helay aur kinara nehar ka
Yaad aati hain mujhe campus ki saari shoukheyaan
Kya kisi wehshat zada mausam ka tum ko khwaf hai
Kis liye khamosh ho kholo na dil ki khirkheyaan
Mein ussay shohrat ke baam-o-dar pe pohanchane ke baad
Apne daaman mein chupa le jaonga ruswaaeyaan
Apni barbadi ka mein jaa kar kisay ilzaam doon
Apne hathoon se dobo’een mein ne apni kashteyaan
Jeet tu jata hoon phir bhi dukh sa rehta hai mujhe
Kab talak us se mein khelonga shikasta-bazeyaan
Boleyaan lagteen hain ab bhi khusbh’on ki shehar mein
Aaj bhi bazaar mein bikti hain naazuk titleyaan
Leejeye is dil ka phir maah-e-muharram aa gaya
Maatamoo ka shor hai aur chal rahe hain barcheyaan
Yaad hai mujh ko December mein judaee ki woh raat
Chaand ki kirnain lahoo mein ban gaeen chingareyaan
Hijar ke saahil pe kis ke muntazir bethay ho tum
Is samundar se bhala kab laut’tee hain kashteyaan
Phir kaseela zaaeqa mausam ka is dil ko laga
Phir se aankhoon mein uttar aaeen puraani talkheyaan
Kaun jane kis se badla le raha hoon mein ‘Wasi’
Aik muddat se ragoon mein paal kar weeraaneyaan …
