Bhooltaa laakh hoN lekin baraabar yaad aate heiN
Ilaahii tark-e-ulfat par wo kyoNkar yaad aate heiN..
Na chairD ae hum-nasheeN kaifiat-e-shabaa ke afsaane
Sharaab-e-beKhudii ke mujh ko saaGar yaad aate heiN..
Rahaa karte heiN qaid-e-hosh meiN ae wai naakaamii
Woh dasht-e-Khud faraamoshii ke chakkar yaad aate heiN..
NaheeN aatii to yaad unnkii mahinooN bhar naheeN aatii
Magar jabb yaad aate heiN to aksar yaad aate heiN..
Haqeeqatt khull gaii Nayaab’ tere tark-e-mohabbat kii
Tujhe to abb woh pehele se bhii bharD kar yaad aate heiN..