Zara hon tabish e khushid o qamar mil jay
Main khazf hon, mujhay taqdir e gohur’ mil jay
Hussan e izhar say zoo’bar hon fikr o ehsaass
Shab gazida hoon mujhay noor e sahar mil jay
Ra’hay malhoz meray harf ko taqdeess e qalam
Lafz ko hurmat e aijaaz e hunar mil jay
Meray jazbon say nomayan ho dil o jaan ka sakoon
hussan e fitrat kay liay tab e nazar mil jay
Apnay edraak say hasil ho mujhay tera suragh
Khud ko dhondon to mujhay teri khabar mail jay
Ho sadaqat meray shairon ki dilon ko mehsoos
Meray afkar e pareshaan ko assar mil jay
Main zamanay main rahon teray karam ka muhtaj
Meri her shakh e tamna ko summer mil jay
(Rasheed Saqi)
