“Charagh Hassan Hasrat”
yaa rab! Gam-e-hijraa.N me.n itanaa to kiyaa hotaa
jo haath jigar pe hai vo dast-e-duaa hotaa
ik ishq kaa Gam aafat aur us pe ye dil aafat
yaa Gam na diyaa hotaa yaa dil na diyaa hotaa
Ghairon se kahaa tum ne Ghairon se sunaa tum ne
kuch ham se kahaa hotaa kuch ham se sunaa hotaa
ummid to bandh jaati taskin to ho jaati
vaadaa na vafaa karate vaadaa to kiyaa hotaa
naakaam-e-tamannaa dil is soch mein rahataa hai
yun hotaa to kyaa hotaa yun hotaa to kyaa hotaa