hujoom-e-gham say jis dam aadmi ghabra sa jaata hay
to aisay mai
ussay awaaz pay qaabu nahi rehta
woh itnay zor say faryaad karta, cheekhta aur bilbilaata hay
keh jaisay woh zameen par aur Khuda ho aasmanoN mai
magar aisa bhi hota hay
keh uss ki cheekh ki awaaz kay ruknay say pehlay hi
Khuda kuch iss qadar nazdeek say aur iss qadar
rehmat-bhari muskaan say uss ko thapakta aur uss ki baat sunta hay
keh faryaadi ko apni cheekh ki shiddat,
sada ki bay-yaqeeni par, nidaamat honay lagti hay
A. Islam Amjad.
