Word of the week is “KHAMOSHI”
**
Wo Ek Lamha jahan ****Khomoshi ****bhi Awaz bun jaye
Saja rakhon gi Ankhon main Ye Dolat gr Atta Kr Do**
Re: Word of the Week - KHAMOSHI
Dil mein jo baat hai , woh baat kahogi kab tak….
Dekhna yeh hai kai, khaamosh rahogi kab tak
kab tak is baat ko honton pay na laaoigi tum
kab tak is jazba-e-ulfat ko chupaaoigi tum
kab tak is raah say katra kay chalogi tanhaa
kab tak is aag mein chup chaap jalogi tanha
Dard furqat ka meri jaan sahogi kab tak…….
dil ki woh baat jo honton pay thehar jaati hai
jii jalaati hai tumhara, tumhein tarpaati hai
lab pay laatey hua bhi jis ko hijaab aata hai
bin kahe bhi jisay dil chain nahin paata hai
chup kay darya mein khamoshi say bahoogi kab tak……
Dekhna yeh hai kai, khaamosh rahogi kab tak
Re: Word of the Week - KHAMOSHI
Yeh aur baat ke minber pe kuch nahin kehte
Khaamosh log bala ke khateeb hote hain
Re: Word of the Week - KHAMOSHI
**Khamoshi bol uthe, to har nazar paighaam ho jaye
Ye sannata agar had se badhe to kohraam ho jaye
Sitare mashalen le kar mujhe bhi dhoondne niklain
Mein rasta bhool jaoon to junglon mein shaam ho jaye
Men wo adam-e-guzeda' n hoon jo tanhai k sehra men
Khud apni chaap sun kar larza bar-andaam ho jaye
Misaal aisi hai is daur-e-khirad k hosh mandon ki
Na ho daaman mein zar'ra aur sehra naam ho jaye
Shakeeb apne tarruf ke liye ye baat kaafi hai
Hum is se bach ke chalte hen jo rasta aam ho jaye**
Re: Word of the Week - KHAMOSHI
**
Kabhi wakt ki khaamoshi mein khamosh rahay
Kabhi un ki khaamoshi ne kuch kehne na diya ...
**
Re: Word of the Week - KHAMOSHI
*
Us ke bina ab chup chaap rehna acha lagta hai
Khamoshi se dard ko sehna acha lagta hai
Jis hasti ki yaad mein aansoo barastay hain
Samnay us ke kuch na kehna acha lagta hai
Mil kar us se bichar na jaun darta rehta hoon
Is leye bas door hi rehna acha lagta hai
Janta hoon ke chaahat mein bas aansoo milte hain
Kuch bhi ho ab is zehar ko peena acha lagta hai
Jee chaahay sab khushyaan la kar us ko de dun
Us ke pyar mein sab kuch khona acha lagta hai
Us ka milna na milna qismat ki baat hai
Pal pal us ki yaad mein rona acha lagta hai ...
*
Re: Word of the Week - KHAMOSHI
Baaz dafa Khamoshi wujood per nahe dil per utarti hai phir is se zeyada mukammal, khoobsurat
aur ba-maeni guftugo koi aur cheez nahe kar sakti ... Aur yeh guftugoo insaan ki sari zindagi ka haasil hoti hai aur is guftugo ke baad aik dosre se kabhi dobara kuch kehna nahe parta ...
Re: Word of the Week - KHAMOSHI
*
Dil ki khamoshi se saansoon ke thehar jaane tak
Yaad aayega mujhe woh shaks mar jaane tak
Us ne ulfat ke bhi paimanay bana rakhe thay
Mein ne chaaha thaa jisay hadd se guzar jane tak ...
*
Re: Word of the Week - KHAMOSHI
woh dasht-e-khamoshi mein
ungliyon mein Sipiyan pehny
Kisi sukhey Smundar ki
adhuri Piyaas ki baatain
Bohat chup chap sunta hay
bohat khamosh rehta hy
Usey ye kon smjhaye?
Khushi k ek aanso se
Samundar bhar Bhi jatey hein
Bohat khamosh rehney sey
TaluQ mar Bhi jate hain
Re: Word of the Week - KHAMOSHI
Khamoshi bol uthe, to har nazar paighaam ho jaye
Ye sannata agar had se badhe to kohraam ho jaye
Sitare mashalen le kar mujhe bhi dhoondne niklain
Mein rasta bhool jaoon to junglon mein shaam ho jaye
Men wo adam-e-guzeda' n hoon jo tanhai k sehra men
Khud apni chaap sun kar larza bar-andaam ho jaye
Misaal aisi hai is daur-e-khirad k hosh mandon ki
Na ho daaman mein zar'ra aur sehra naam ho jaye
Shakeeb apne tarruf ke liye ye baat kaafi hai
Hum is se bach ke chalte hen jo rasta aam ho jaye
Re: Word of the Week - KHAMOSHI
Ek Purana Mausam Lauta, Yaad Bhari Purvayi Bhi,
Aisa To Kam Hi Hota Hai Woh Bhi Ho Tanhayee Bhi,
Yaadon Ki Baucha'ron Se Jab Palkein Bhigne Lagati Hai,
Kitani SauNnhi Lagti Hain Tab Mazee Ki Rusavayi Bhi,
Do Do Shaklein Dikhti Hain Is Behke C Aaine mein,
Mere saath Chala Aaya Hai Aapka Ek Saudayi Bhi,
KHAMOSHI KA HASIL BHI EK LAMBI SI KHAMOSHI HAI,
UNKI BAAT SUNNI BHI HUMNAY APNI BAAT SUNAYI BHI......!!!
Re: Word of the Week - KHAMOSHI
Si ke lab ek qayamat si utha di jae
Reh ke khamosh zara dhoom macha di jae
Jisko dekho wohi sehra main chala aata hai
Raaste main koi deevar utha di jae
Ab to sayyad ko bhi koi saza di jae
iss qafas main hi zara aag laga di jae
Dil main kab tak rahe umeed ka veeraan mehal
Ab to yeh gehan imaarat bhi gira di jae
Re: Word of the Week - KHAMOSHI
Beautiful poetry on Khamoshi sung by Junaid Jamshed