Azaab yeh bhi kisi aur par nahi aaya K ek umr chale aur ghar nahi aaya Us ek khaab ki hasrat meN jal bujhi aaNkheN Wo ek khaab K ab tak nazer nahi aaya KareN to kis se kareN naarasaiyoN ka gila Safar tamaam huaa hum-safar nahi aaya DiloN ki bat badan ki zabaaN se kah dete Ye chaahte the magar dil idhar nahi aaya Ajib hi tha mere daur E gumrahi ka rafiq
BichhaaR gaya to kabhi laut kar nahi aaya Harim E lafz O ma’aani se nisbateN bhi rahiN Magar saliqa E arz E hunar nahii aaya
Mere Humsafar, mere Hum-nasheen
Main ne Rab se manga to kuch nahi
Per jub bhi mangi koi dua!
Nahi manga kuch bhi "Tere Siwa"
Ye talab kya k mera Khuda!
Naye ehad ki
Sabhi rahtain, Sabhi chahtain,
Wo ata kre tujhe manzlain,
Ye talab kya k mera Khuda!
Tujhe Bakht de,
Tujhe Taj de
Tujhe Takht de,
Mere Humsafer,
Mere Chara-ger,
Ye hai mohabbat ka kathan safar
Mere sath chalna zara soch ker
Mere pass zarr na koi hunar
Phir bhee dekh to mera hosla
Mere paas jo kuch, Sabhi tera
Nahi aur kuch bhi tere siwa
Meri Dosti
Meri Zindgi
Meri Khamoshi
Meri Be-basi,
Meri Subha Bhi
Meri Sham bhi
Mera Ilm bhi
Mera Naam bhi,
K jo mil saken mere Daam bhi,
Wo sabhi kuch tujh ko ata kre;
Mere chara gr tu yaqin to kr
Mujhe mangna to na aa ska
Main ne phir bhi mangi yehi Dua
K gwahi de ga mera Khuda
Maine jub b us se talab kya!
Koi Humsafar Nahi Hai Koi Raazdaan Nahi Hai,
Faqat Aik Dil Tha Apna So Woh Mehrbaan Nahi Hai,
Kisi Aankh Ko sada Do Kisi Zulf Ko Pukaro,
Bari Dhoop Par Rahi Hai Koi SayeBaan Nahi Hai,
Mere Dard Ki Haqeeqat mere Aansuon Se Pucho,
Mera Mijlisi Tabassum Mera Tarjumaan Nahi Hai,
Inhi Patthron Pe Chal Kar Agar Aa Sako Toh Aao,
Mere Ghar K Rastay Mein Koi Kehkashaan Nahi Hai…!!!
(Mustafa Zaidi)
PS: I found some version of this Ghazal, where Mat’la started with ‘Mere Humnafas’ instead of ‘Mere Humsafar’. The Maq’ta of this so famous, that many people use it normal day conversation.
