Re: Women from Lahore are beautiful says visiting French Music Group
Faiz is indeed great but i more of Habib jalib's fan !
and he said :
aur sab bhuul gaye harf-e-sadaaqat likhanaa
rah gayaa kaam hamaaraa hii baGaavat likhanaa
laakh kahate rahen zulmat ko na zulmat likhanaa
ham ne siikhaa hii nahiin pyaare baa_ijaazat likhanaa
na sile kii na sitaaish kii tamannaa ham ko
haq mein logon ke hamaarii to hai aadat likhanaa
ham ne jo bhuul ke bhii shaah kaa qasiidaa na likhaa
shaayad aayaa isii Khuubii kii badaulat likhanaa
us se barh kar merii tahasiin bhalaa kyaa hogii
parh ke naaKhush hain meraa saahab-e-sarvat likhanaa
dahar ke Gam se huaa rabt to ham bhuul gaye
sarv qaamat kii javaanii ko qayaamat likhanaa
kuchh bhii kahate hain kahen shaah ke masaahib 'Jalib'
rang rakhanaa yahii apanaa isii suurat likhanaa