Namaz main hoon to azan tum ho
Maken hoon main, to tum makan ho
Zamen hoon main to asman tum ho
Wohi talouq hai tum se mera
Jo dil se hota hai dharkano ka
Khumar se hai jo mehkashoon ka
Jo shairoon se hai mehvishon ka
Jo hussan walon se diljaloon ka
Jo rastoon se hai manziloon ka
Jo manzilon se hai rehbaroon ka
Azal se dharti se parbatoon ka
Wohi jo sager se sahilon ka
Jo rooh se hai kissi badan ka
Wohi jo chanda se hai kiran ka
Jo
baghban se kissi chaman ka
Hai guftugo se kissi dehan ka
Jo barishon se zameen ka hai
Ibadaton se jabeen ka hai
Wohi Talouq…
Azal se apnay bhi dameain hai
Tumhi baharon ki dilkashi ho
Tumhi to ankhon ki roshni ho
Jo sach kahon, Tumhi meri her khushi ho
Tumhi ujala tumhi Hiya ho
Tum arzoo ho tumhi wafa ho
Tamam jazbon ki intaha ho
To kiyon na tum per yeh dil fida ho
Batao Janan…!!!
Hai itna hi kafi…???
K aur kuch bhi tumhin bataon…???
Jo ho sakey to khiyal rakhna
Tumhara muj se wohi hai rishta
Malaika se jo bandagi ka
Jo marney waley se zindagi ka
Samndron ka jo seep se hai
Wohi jo ankhon ka deep se hai
Wohi Talouq…
“Hai Mera Tum Se”