**Although, few days back I left the forum, but on the request of someone I’ve changed my mind … **
Koi tum se muhabbat ka pata poochay tu bata dena
Woh tu hamaare nass nass mein basti hai
Kabhi humein hansaati hai, tu kabhi humein
Khoon ke aansoo bhi rulaati hai
Woh kabhi tu karaktti dhoop ke jungle mein
Saya ban kar sulaati hai tu kabhi kabhi
Maut ki maanind hamaari rooh per chaah jaati hai
Koi tum se muhabbat ki wajah poochay tu keh dena
Yeh tu dabbay qadmoon aati hai aur ek lamha
Haan bas ek pal hi kaafi hota hai chahanay waloon ke leye
Phir bhalay laakh muroo us se, yeh ho jaati hai
Hum inkaar karte reh jaatay hain aur yeh haulay se
Gungunaati hai
Koi tum se muhabbat ka anjaam poochay tu ro dena
Ay nadaan… ! Yeh tu andhi aur behri hoti hai
Kab tarazoo mein tauli jaati hai aur kab
Bazaaroon mein khareedi jaati hai
Yeh tu bas diloon se hoti hai aur ussi mein rehti hai
Yeh duniya se beparwaa hai, hamare rab ki dua hai
Muhabbat jaza hai, muhabbat saza hai,
Muhabbat mein hi maza hai
Koi muhabbat se khafa ho tu samjhaa daina
Yeh tu insaan ki takhleeq ka pehla jawaaz hai
Allah ka is kainaat per ek ehsaan hai
Yeh na hoti tu kya hota
Na mere alfaaz hotay, na yeh zamaane ke andaaz hotay
Na gulloon mein rang hota, na hawa mein tarang hota
Na hum hotay na tum na tumhara gham hota
Koi tumhare samnay muhabbat ko radd kar de tu bol uthna
Hamaara naam, hum se munsalik har paighaam
Woh zakhm, woh ghaoo jo ab talak rasta hai
Woh chahat, woh judai ka karb jo hum ne saha hai
Woh Allah per emaan jo muhabbat ka sabaq hai
Woh har waqt dua ke leye phailay huwe haath
Jis per hum donoo ka tamaam ehwaal likha hai
Ke muhabbat ka is se behtar saboot koi aur nahee
keep posting ok?
**