wo Subhaa kabhi tau Aaiygii
In kaali Saddyon kay sir jab raat ka aanchul dhalkay ga
Jab dukh kay badul pigghlain gay, jab sukhh ka saagar chalkay ga
Jab amber jhoom kay naachay ga, Jab Dhartii naghmay gaaiy gii
wo Subhaa kabhi tau Aaiygii
Jiss subhaa kii khatirr jag jag say ham sir mar mar kay jeetay hain
Jiss subhaa kay imratt kii dhunn main ham zeherr kay piyaalay peetay hain
Inn bhookii piyaasi Roohon par ek dinn tu karam farmaiy ga
wo Subhaa kabhi tau Aaiygii
Beetain gay kabhii tau dinn aakhir ye bhook kay aur bekaarii kay
Tootain gay kabhi tau Buutt Aakhir, dolat ki ijara daari kay
jab ek anokhii dunya ki bunyaad uthaaii jaiy gii
wo Subhaa kabhi tau Aaiygii
