Woh kitne haseen lamhay thay
Jab tum mere pehlo mein baithee
Un udaas paloon ko yaad kiya karti theen
Jab tum mujh se rootha karti theen
Kuch naraz naraz si tumhari surat
Mujh mein khalish si paida karti thee
Jaise pori duniya mujh se rooth gaee ho
Woh kitne haseen lamhay thay
Jab mein tumhare kandhay per sar rakh ke
Roya karta thaa aur dua kiya karta thaa
Ke hum kabhi juda na hoon
Tum bhi khoob larki theen
Tum bhi ro diya karti theen
Phir hum donoo ek dosre ke
Aansoo poncha kartay thay
aur phir achanak khil’khilaa kar
Hansnay lagtay thay
Woh kitne haseen lamhay thay
Jab tum ek phool ke sath
Mujh se milne aaya karti theen
Aur phir kuch hi dair mein
Jane ki zid kia karti theen
Aur mein tumhein rokta rehta thaa
Woh ek ek lamha gina karta thaa
Aur phir achanak tum
Pyar se Khuda Hafiz kehteen
Aur sangeet ki dhunoon ki tarah
Hawa mein gum hojaya karti theen
Woh kitne haseen lamhay thay
Jab tumhare deyey huwe woh phool
Gin gin kar mein rakhta thaa
Jin ki khushboo se mere almaree
Mehak si jaaya karti thee
Aur phir us khushboo mein ‘main’
aisa samoo sa jaata thaa
Jaise mere jeewan mein udaasi
Woh kitne haseen lamhay thay
Jab tum barkha rut mein akeli
Chatt pe aaya karti theen
Apne sundar haathoon se
Kapray phailaaya karti theen
Mein ghar ke munadir pe charha
Tumhein haath hilaya karta thaa
Aur tum anjaan si ban kar
Neeche bhaag jaya karti theen
Woh kitne haseen lamhay thay
Ab tu koi bhi naheen hai
Woh lamhay woh yadain hain
Na koi surat na koi kandha
Aur na koi dhandha hai
Na koi roothne wala hai ke
Jis ko ab manaaya jayey
Na koi maatha hai ke jis per
Bosa sa lagaaya jayey
Na koi haath hai ke jis ko
Apne haath mein thaama jaayey
Aur na koi masoom si surat
Ke jis pe pyaar sa ajayey
Ab tu sirf un lamhoon ki
Kuch qeemti si yadain hain
Ke jin ke saharay jeene ko
Tamanna mein hum haaray hain
Hum haray hain … Hum haray hain …
