Woh Jo Aa Jaate Thay Aankhon Mein Sitaare Le Kar

Arts & Culture Poetry ( Intikhaab & Sho'ra-e-Gupshup)
1

****Woh Jo Aa Jaate Thay Aankhon Mein Sitaare Le Kar
Jaane Kis Dais Gaye Khwab Humare Le Kar

Chhaon Mein BaiThnay Wale Hi To Sabse Pehle
PaiR Girta Hai To Aa Jaate Hain Aare Le Kar

Wo Jo Aasooda-E-Saahil Hain Inhein Kya Maaloom
Ab Ke Mauj Aai To PalTe Gi Kinaare Le Kar

Aisa Lagta Hai Ke Har Mausam-E-Hijraan Mein Bahaar
HonT Rakh Deti Hai Shaakhon Pe Tumhaare Le Kar

Sheher Walon Ko Kahan Yaad Hai Woh Khwab Farosh
Phirta Rehta Tha Jo Galiyon Mein Ghubaare Le Kar

Naqd-E-Jaan Sarf Hua Kulfat-E-Hasti Mein FARAZ
Ab Jo Zinda Hain To Kuch Saans Udhaare Le Kar****

2

Re: Woh Jo Aa Jaate Thay Aankhon Mein Sitaare Le Kar

Ab Jo Zinda Hain To Kuch Saans Udhaare Le Kar

ye saare shayar kia qarz pe chalte hain? Ghalib ne bhi qarza liya? Ibn e Insha bhi ‘umr ki naqdi khatm hui’ main udhaar maang rahe the.. aur ab Faraz bhi :hmmm:

3

Re: Woh Jo Aa Jaate Thay Aankhon Mein Sitaare Le Kar

yahan poory k poory mulk qarzon pe chal rahy hain,agar bechary shair qarza ly lein to kya harj hai

4

Re: Woh Jo Aa Jaate Thay Aankhon Mein Sitaare Le Kar

:hmmm: you got a point