*
Woh jaanti thee wafa ka ajjar nahe hota
Muhabbaton mein sabar ka samar nahe hota
Woh jaanti thee
Muhabbat dukhoon ka sehra hai
Jahaan saraab si khushiyaan hain
Aur azaab se gham
Jahaan hai pyas judai ki be-tahaasha magar
Milan ki baarishain hoti hain jis dayaar mein kam
Woh jaanti thee
Muhabbat khiraaj maangti hai
Woh jis ko dil ke lahoo de ke jagmagaaya ho
Andheri raah ke leye woh chiraag maangti hai
Woh jaanti thee
Muhabbat woh rehguzar hai jahaan
Bichay hain kaanch judaee ke beshumaar magar
Brehna-paa hi inhain paar karna parta hai
Ghamoon ki dhoop mein jab saibaan koi na ho
Kisi ki yaad ki chaadar ko taan kar khud per
Tamaam aahain daba kar guzarna parta hai
Woh jaanti thee wafa ka ajjar nahe hota
Muhabbaton mein sabar ka samar nahe hota
Hijar ki raah mein hoti hai be-tahaasha ghuttan
Wahaan kabhi bhi hawa ka guzar nahe hota
Woh jaanti thee magar phir bhi roug le bethi
Kisi ke pyar mein jane kyon joug le bethi
Woh jaanti thee magar phir bhi ...
*