woh din bhi aa he jayega
kay meray dil ki muthi main
koi sachi khushi hogi
kay meray kanptay honton pay
such much ki hansi hogi
na chehray pay koi uljhan
na ankhon main nami hogi
woh din bhi aa he jayega
chura kay zabt ka daman
chamaktay hain jo ankhon main
chalaktay hain jo palkon say
woh ansoo beet jayengay
yaqeen rakho meray humdum
woh din bhi aa he jayega
dilon kay hoslay ek din
ghamon say jeet jayengay
woh din bhi a he jayega
zamany nay mujhay rakha hai
ab tak ajnabi jiss say
katoron say, gayay waqt kay
khushi kay pal woh lelonga
buhat din baad meri jholi main
khushyan bhari hongi
buhat din baad apnay sapnon ki
dunya main khelonga
woh din bhi aa he jayega
kay sapnon ki haseen dunya
meri nass nass meri rug rug
meri angg angg main utray gi
woh din bhi aa he jayega
faqat aik iltija yaron
kay iss honi ko honay do
faqat ek baar mujh ko
maut kay daman main sonay do
WOH DIN BHI AA HE JAYEGA