Woh chahata thaa phir bhi koi guftugoo na ki
Hum ne bhi poochne ki kabhi justujoo na ki
Tasveer teri dekh kar aankhain challak pareen
Hum ne teri ibaadat kabhi be-wuzoo na ki
Bethay rahay chup chaap hum parda nasheen ke paas
Moosa (AS) ki tarha dekhne ki aarzo na ki
Karta raha bayyaan woh gairoon ke saamnay
Us ne kabhi shikayat mere ru-baro na ki
Dil mein chupaye rakhay hain hum ne raaz-e-ishq
Ehal-e-junoon ki baat kabhi koo-ba-koo na ki
Milta nahee hai us ko shaahadat ka martaba
Raah-e-Khuda mein jis ne yeh gardan lahoo na ki.