Woh apne ishq mein kaisa kamaal rakhta hai
Ke be-rukhi mein bhi mera khayaal rakhta hai..
Jo aaj mera nahi hai,woh kal mera hoga
Ke har zamana urooj-o-zawaal rakhta hai…
Ajab nahi woh jahan bhar ko bewafa samjhe
Nazar mein meri wafaa ki misaal rakhta hai…
Kahan talak koi dast-e-karam ko zehmat de
Tamaam shehar hi dast-e-sawaal rakhta hai…
Meri udraan ke aage hai kiss qadar be-bass
Yeh aasmaan jo sitaron ka jaal rakhta hai…
Tera khayaal hi kuch meharbaan hai warna
Jahaan mein kaun kissi ka khayaal rakhta hai
beautiful…
Ajab nahi woh jahan bhar ko bewafa samjhe
Nazar mein meri wafaa ki misaal rakhta hai...
kya baat hai...beautiful......
thanks for sharing ** cecosuni **
Very Nice :k: