***Bazahir aam lehjay main
kaha tha main ne jab usse
"badal lo raasta apna
juda raahen yahin karlo
hamare chahne na chahne se
kuch nahi hota
yahi sach hai ke hum do mukhtalif
raston ke raahi hai
to phir kyun dil ki maane hum
shuru mein manti hoon main
azziyat dil ko pohchegi
magar phir waqt guzraega
sabhi zakhmon ko bhar dega"
mere is aam se lehjay pe wo
ek pal ko chonka tha
meri aankhon main aankhein daal kar
hairat se poocha tha
“ye sab jo keh rahi ho khud ko ye samjha bhi pao gi?”
bohat hi jee karwa kar ke
main us dam muskuraii thi
bohat khud pe jabar kar ke
main usse keh ye payi thi
"meri tum fikr rehne do
sambhal jaungi main khud hi
sabhi zakhmon ko silungi
bhula kar sari batoon ko
akeli bhi main jee lungi"
bahut hi be yaqeen aakhoon se
usne mujhko dekha aur
Bina ek lafz bole wo gaya or phir nahi aaya
aur ab tark_e_taalluq ko
agarche umar beeti hai
magar is dil pe us ki zaat ka
jo naqsh qayam tha
kabhi dhundla nahi hota
mujhe mehsoos hota hai
ke jaise mere kanoon main
wo apni bolti aankhoon se
sargoshi si karta hai
"WO SAB JO KEH RAHI THEEN
KHUD KO WO SAMJHA BHI PAI HO?"***
