apni palkoon pe jamee gard ka hasil mangay
wo musafir hoon jo har morr pe manzil mangay
meri wusa’at ki talab ne mujhe mehdood kiaa
main wo darya hoon jo maujoon se bhi sahil mangay
khawahish-e-wasl ko sau rang ke mafhoom diye
baat aasaan thee magar lafz to mushkil mangay
sach ka munkir hua arzae-a-khoon ka mausam
khak-e-maqtal se gawahi mera qatil mangay
dil ki zidd per na khafa ho meray aflaak nasheen
dil to pani se bhi aks-e-meh-e-kamil mangay
saans meri thee magar us se talab ki mohsin
jaisay khairaat, sakhee se koi saail mangay