**Wo Kehta Hai!
Usay Phoolon Ki Chahat Hai
...
Magar Jab Phool Khilte Hain
Wo Un Ko Torr Deta Hai,
Wo Kehta Hai!
Usay Barish Ka Mosam Acha Lagta Hai
Magar Jab Barish Hoti Hai
Wo Kamre Mein Afsurda
Ho Kar Baith Jata Hai,
Wo Kehta Hai
Hawaayen Ishq Hain Us Ka
Hawaa Lekin Chalay Jab To?
Wo Khirki Band Rakhta Hai,
Mujhe Ab Darr Sa Lagta Hai
Wo Jab Bhi Mujhse Kehta Hai!
Usay Mujh Se Mohabat hai...!**