Wo jab bhi college ki seerrhioN sey
sahelioN ko liey utarti
to aesa lagta ke jese dil meiN utar rahi ho
kuch is tayyaqun say baat kerti
ke jese duniya usi ki ankhon sey dekhti ho
wo apney rastey meiN dil bichati
hui nigahoN sey hans ke kehti
tumhary jesay bohat sey larrkon sey meiN ye baateiN
bohat sey saaloN sey sun rahi hooN
meiN saahiloN ki hawa hooN
neeley samandaron ke leiy bani hooN
wo sahilon ki hawa si larrki
jo rah chalti to aesa lagta ke jese dil meiN utar rahi ho
wo kal mili to
usi tarah thi
gulab chehray pey muskurahat
chamkti ankhoN meiN shokh jazbey
ke jese chaandi pighal rahi ho
magar jo boli to us ke lehjey meiN wo thakan thi
ke jese sadioN sey dasht-e-zulmat meiN chal rahi ho!!!
