**Wo guftugu mein un dekha jaal rakhta tha
Wo shakhs lehja barha ba kamal rakhta tha
Hansi labon pe dil mein malaal rakhta tha
Ajeeb shakhs tha sheeshey mein baal rakhta tha
Tera firaaq hamesha azaab e jaan tha magar
Tera wisaal bhi mujh ko nidhaal rakhta tha
Kissi ke chehra e pur noor ka jawab nahin
Andheri raat mein sooraj nikaal rakhta tha
Wo barson baad milla bhi to es tarah se milla
Labon pe chup thi nazar mein sawaal rakhta tha
Bulandion se gira hoon to ye maloom hooa
Urooj apney hi ander zawaal rakhta tha
Chamakney waali har ek cheez ko sona samjha
Kuch es tarah ka wo zoq e jamaal rakhta tha
Tera sunehri tassawur, tera sunehri khyaal
Na janey kyoon meri aankhon ko laal rakhta tha
Mera wehem dabota raha har baar mujhey
Mera yaqeen hamesha uchaal rakhta tha...!!!**
waah, bahot Haseen she'r hai...mujhe apnaa ek she'r yaad aa gayaa:
**
dekhaa jo bulandii se to manzar kaa dhuaaN thaa
chaTTaan se utraa huN to deevaar khaRii hai**
waah, bahot Haseen she'r hai...mujhe apnaa ek she'r yaad aa gayaa:
**
dekhaa jo bulandii se to manzar kaa dhuaaN thaa
chaTTaan se utraa huN to deevaar khaRii hai**
Maine to suna tha sirf sehraon main sarab hota hain aur aap ko pahadon main bhi saraab nazar aane lage.
Purane zamane main low quality sheesha bunta tha... uss main baal ajane per sheesha toot jata tha.. iss liye jo taluq toot jae us ke liye sheeshe main baal kehte hain. (Ab KKF aap ko history bataen ge ke aisa kiyun?) :D
“baal jaanaa/paR jaanaa” moHaavarah hai jiskaa matlab hotaa hai ‘kisii cheez meN farq aa jaanaa’…jaise rishtoN meN baal aa jaanaa, sheeshe meN baal aa jaanaa.
“sheeshe men baal” ke luGHvii ma’na yeh bhii haN k sheeshe meN shigaaf [crack] paR jaanaa…jo sheeshe ke TooT jaane kii peshgii 'alaamat hai.
Iqbal ne kahaa thaa k:
**
tu bachaa bachaa ke na rakh use, tiraa aiina hai vo aaiina
k shikasta ho to azeez-tar hai nigaah-e-aaiina saaz meN**
Purane zamane main low quality sheesha bunta tha... uss main baal ajane per sheesha toot jata tha.. iss liye jo taluq toot jae us ke liye sheeshe main baal kehte hain. (Ab KKF aap ko history bataen ge ke aisa kiyun?) :D
lol...yeh hai 'Husn-e-ittefaaq'...aap idhar yeh satar likhe rahe the aur udhar maiN mundarja baalaa sutoor raqam kar rahaa thaa...lol :D
"baal jaanaa/paR jaanaa" moHaavarah hai jiskaa matlab hotaa hai 'kisii cheez meN farq aa jaanaa'...jaise rishtoN meN baal aa jaanaa, sheeshe meN baal aa jaanaa.
"sheeshe men baal" ke luGHvii ma'na yeh bhii haN k sheeshe meN shigaaf [crack] paR jaanaa...jo sheeshe ke TooT jaane kii peshgii 'alaamat hai.
Iqbal ne kahaa thaa k:
**
tu bachaa bachaa ke na rakh use, tiraa aiina hai vo aaiina
k shikasta ho to azeez-tar hai nigaah-e-aaiina saaz meN**
Na wo Ghaznavi main TaRap rahi, na wo kham hai zulf e Ayaz main :D
yeah…maiN ne is liye poochhaa k kuchh Ghair muslim Urdaa_daaN/naqqaad [jaise Gopi Chand ‘Narang’] jab is she’r per tabsirah karte haiN to inhiiN umoor kii taraf ishaarah karte huye paaye jaate haiN jinkii nishaan-dehii aap ne farmaayii hai…yeh saraasar bohtaan hai, iftraa hai aur fitna saazii hai.
mere vaalid kaa ek she’r hai:
**
yehii suboot hai dunyaa ke shoGhl-e-be_jaa kaa
k muzmaHil hai tabii’at nashaat-e-kaar ke ba’d!**
