**wo ana parast sahi uski batoon main iqraar bhi tha
us k chubhtay hoay lehjay main chupa pyar bhi tha
wo mujhay likhta hai k muntazir na rahoon laikin
uski tehreer main sadyoon ka intazaar bhi tha
wo kehta hai k mt roothoo k manana nhi aata
meri naraazgi per lekin wo bayqaraar bhi tha
main shayad phir na likhti usay apni khabar laikin
dosti ka bharam rakhna tha kuch dil bayikhtiyaar bhi tha
shayad yehi uska andaaz e muhabbat ho ga
wo mera hm dm bhi tha aur mera sitam shaar bhi **tha